一個傾心的傳說:Raidas

如果你問我，我受那一位歌星影響最深？
毫不猶疑地答你：Raidas，郭富城，邰正宵
除了城城，其他的都算冷門吧！

從網站中找回一篇我七年前發表的文章：

我聽RAIDAS大
Sat Aug 26 12:06:34 2000

如果問,我疼Raidas多些還是城城多些,真係好難下斷語.

有人話,Raidas既歌,搶耳,好好聽,之但係好快厭.
不過唔知點解,我反而聽極都唔厭.
有好多流行曲,但求順口,真係你唱一句下句你估到係咩音.
Raidas最令我激賞既地方,係你估唔到佢下一粒音係
咩野. 永遠都有surprise! 個陣真係覺得光仔好叻.

"傳說"係小妹既第一盒錄音帶. 當年屈我契哥買黎送俾我既.
仲係因為咁,小妹買左我一生以來第一部錄音機.
呢盒帶依家仲緊度,不過已經唱唔到,一播已經吱吱聲.
小妹今年生日,可愛既小薯片為搏紅顏一笑,夜麻麻上黎送左兩隻Raidas CD版俾我,
依家佢地仲係我唱盆不停咁轉. 寫呢篇文前我仲聽緊.
除左一份回憶,更加係一份心意.

小妹當年絕對係Raidas天字第一號fans,逢車必追,逢show必早,超勁到大佬(陳德彰)
一眼就認得我.光仔見到我嚇到掉頭走.D歌倒轉頭識得唸.
依家諗番會唔會覺得傻?
唔會,我無悔,呢個係我既黃金時代,係我青春活力既泉源,係我最美好既回憶.

呢個回憶,支持到我今日,我相信如果大佬今日睇到呢篇文,佢會覺得自豪.
因為我可以好光榮咁同大家講:　我係聽Raidas大既!

Raidas, 我長大必不可少既回憶;
Raidas, 象徵著最美好既八十年代;
Raidas, 係我喜歡聽音樂既門匙;
Raidas, 係造就今日這個我既一個重要因素

七年前的我，還有著一些孩子氣吧！
但我相信我對他們的回憶沒有變，就算現在我已經做了師奶，而Thomas也在幾年前跟許秀明結婚了！
Thomas如他的哥哥陳迪匡一樣，脫髮特快，四十來歲已不幸得了清裝頭。這點從，兩年前阿姐主持的「名曲滿天星」中可看到。
很高興世上有了 you tube,今天我就找到了幾段令我充滿回憶的片段，跟大家分享一下：

1. Raidas在新地任你點接受黃靄君的訪問：
當時剛推出了他們的第三張唱片Raidas'87 危險遊戲，他們當時怎也想不到竟是他們的告別作了！
Raidas 與君一席話

2. Raidas經典「某月某日」的mv：
這是一個非常罕有及令人懷念的mv,雖然只在錄影廠拍攝，當年可玩的視效不多，看得出編導在視效以外的用心和創作的幽默感。創作的驚喜不是視效可以代替的！
片中Raidas又扮書生，又扮監犯，又扮愛國青年。還有當時正和郭富城拍拖的姚正菁擔任女主角。（離奇地覺得她跟唐寧有幾分似！）幽默位是當唱到：「秘密　迴避再迴避」之時，整了兩個衙差的「迴避」牌，非常好笑！
最後的驚喜是，導演放棄了原版的不停recurring的ending,改用了raidas在經影廠自彈清唱來收筆。這是到今日mv都少見的。
如果我沒記錯，這mv是tvb出身，後來晉身知名監製的boy siu(蕭潮順）傑作之一。
萬勿錯過！
「某月某日mv」，無得頂！
要講raidas，十幾日也講不完，今晚就此作結。