今天去了Mega Box

今日端午節,無粽食.
晏晝去左Megabox,勁多人.
好多商鋪都未投產,我奉勸大家過多三個月先去會好睇好多,又無咁迫~

今日無去spotlight,網上有人話值得睇,可惜.
但去左B & Q,平心而論,係我去過既鋪頭之中最差既一間.
你可以話,佢係宜家+日本城+砵蘭街之集大成.
但係樓上傢具陳列部整齊不及宜家,質量更差得遠,價錢仲貴過添~
更離奇是擺放左好多室外用既傢具,
阿哥仔呀,你估呢度真係歐洲咩,有幾多個人屋企有平台花園,畀你玩野餐同露天茶座呀?
我估會幫襯既人,只得住村屋或者係屋苑會所既管理公司,有幾多呀~

至於個d瓷磚,同埋diy工具,行家入去實哈哈笑,價錢貴成倍,質量遠遠不及.
連我呢d乜都唔識既師奶仔都覺佢唔掂,你話點算?

至於家庭用品,同埋木架仔,唉~
同一樣野比日本城貴成15-20%

我好相信,大家去完都會覺得,情願分開去宜家+日本城+砵蘭街好過,
價廉物美得多!

唔該間野做下reseach啦!用咁貴既價錢買d咁劣質既物品!你估人地真係傻既咩?